Publizitate sexistaren adibideak

5.ARIKETA: post-testaren ondorioak

10 petsonei egin diet galdeketa 5 emakume eta 5 gizonezko. Oso emaitza positiboa da bai emakume zein gizonezkoen %100ak 0.0 garagardoa ekoitzen duen markarik ezagutzen duten galdetzean, lehenengoa San Miguel jarri izana. Honek, marka sendo bat dugula esan nahi du, guztiek ezagutzen dutena.

Spot-ari dagokionez, ezin dugu emaitza onik jaso dugunik esan. Izan ere, inork ez du laguntzarik gabe hau oroitzerik Portu. Lagundu ostean ere, bik bakarrik gogoratu dute, kasualitatez, biak gidatzeko karnetik gabeak. Honek, eskemak puskatu dizkit, spot-aren target-a harrapatu ez delako eta honek igorri nahi zuen mezua ez delako behan zen pertsonengana heldu.

Spot-a gogoratu dutenen %100ak San Miguelekin lotzea Portu du, eta spot-aren mezua ulertu dutela eta era egokian eginda dagoela deritzo.

Honetaz gain, ideia originaltzat hartu dute eta atentzioa deitu diotela ere garbi utzi dute. Gogoratu ez duen %80ak beste iragarki batzuk gogoratu ditu.

Inkestatuen %40ak alkoholik gabeko garagardoa kontsumitzen duela esan digu eta %60ak berriz inoiz kontsumitu ez dutela. Lehenengo hauetatik, %20ak San Miguel hartzen duela esan digu, batez ere, duen zaporea gustatzen zaielako.

Ondorioz, lehen esan bezala, aipatu behar dugu jendeak oso presente duela San Miguel marka garagardoa kontsumitzeko orduan. Hala ere, aitortu behar da spot-ak ez duela inolako arrakastarik izan, gogoratu duen %20ª kopuru txikia izateaz gain, gure target-etik kanpo dagoen jendea delako.

Klasean efektu “kolateralez” aritu gara. Hain zuzen efektu sozial extra-publizitario hauek direla eta, publizitatearen gaineko kontrola zorrotza da, batez ere Europari dagokionez. Irakurri ezazu Los límites de la publicidad artikulua eta erantzun hurrengo galderei, klasean komentatutakoa kontuan izanda.

 

1) Zergatik da kaltegarria iragarki bati egindako salaketa, salaketa horrek funtsik ez duenean ere?

Salaketa batek izugarrizko arazoak suposatu ditzake iragarleentzako. Alde batetik, markaren izena dago jokoan, horrelako salaketa batek beti zikintzen baitu honen izena. Bestetik, iragarkia emititzen utzi beharrarena dago, salaketak emisioaren bukaera ekartzen baitu. Honek izugarrizko diru galera suposatzen du. Gainera, salaketa atzera botatzen bada ere, bitarte horretan galdutako emisio denbora hori ere dirutan kontatzen da, merkatua azkarrago baitoa esparru juridikoa baino.

2) Publizitatean murrizten dena, beste edukietan onartuta dago, sexua eta biolentzia kasu. Zer dela eta diskriminazio hau?

Orokorrean, zergatik da legea zorrotzago publizitatearekin?

Publizitatean ezin dira sexua eta biolentzia bezalako gaiak erabili beti ere iragarri nahi den produktuarekin loturarik ez badu. Produktu edo zerbitzuak horrelako gai polemiko batekin zerikusirik izaten ez badu erabil daitezke, beti ere kode etiko batzuen barruan bada. Hala ere, gai hauek askotan ikusi izan ditugu publizitatetik kanpo hauengatik inor asaldatzen ez delarik. Testuan esaten den bezala, zinea dugu horren erakusgarri eta baita irain eta eduki matxistaz beteriko telebistako saio lotsagarriez. Ez dakit zorrotzagoa izatearen zergatia zein izango den, ez baitiot arrazoi logikorik aurkitzen; hipokresia apur bat besterik ez dela uste baitut.

3) Egileak dioenez, iragartzea debekatuta dagoen hori saldu daiteke. Nola ulertzen duzu paradoxa hau?

Egia esan ezin dut ulertu inondik inora ere. Gainera, telebistan spot-ak jartzea debekatuta dagoen arren, publizitateak bere horretan jarraitzen du. Testuan ageri den moduan, tabakoa eta 20 gradutik gorako alkoholdun edariak ezin dira spoten bidez iragarri baina produktu hauen markek beraien burua ezagutara emateko beste modu batzuk aurkitu dituzte. Hala nola, gobernuaren gastu publikoak aurre egin ezin duten esparruak betetzen ari dira; kirola esaterako. Ez da arraroa kirol emanaldietan tabako marken edo edari alkoholdunen kartel izugarriak ikustea eta ez dira gutxi hauek patrozinatutako ekitaldiak ere. Ondorengo argazkian argi ikus daiteke Marlboro tabako markak eta Ferrari autoen markak duten zerikusia, hauek patrozinatzen baititute formula 1-eko karrera asko.

  

4) Zeintzuk dira auto-erregulazioaren abantailak iragarleentzat?

Publizista eta iragarleek gaur egun dituzten zailtasun hauei aurre egiteko sortutako erakundea da Autokontrol deritzona. Hau positibotzat jotzen dut,  iragarkiak erretiratu ez daitezen sektoreak sortu duten iragarkien kontrolaz arduratzen baita. Honela, iragarleak iragarkia emititu aurretik nahiko ziur egon daitezke ez dutela salaketa batek eragiten dizkioten diru galera nabarmenik izango. Honela, erakunde honek iraingarria sortatu daitekeen iragarkiaren zantzurik aurkitzen badu, horiek aldatzea eskatzen dute iragarria izan aurretik. Hala ere, honek ez du esan nahi autokontroletik pasatutako iragarkiek ez dutela sekula salaketarik jaso. Baina orokorrean, honen existentzia positiboa iruditzen zait publizitatean aritzen diren agentzia eta iragarleentzako, prebentzioa beti baitator ondo.

5) Publizitatearen profesioanala (izango) zarenez gero, non kokatzen duzu zeure burua? Protekzionismo osoaren muturrean (publizitate guztia estatuak erregulatuta) edo askatasun osoaren muturrean? Aldatuko zenuke iritziz hiritar sinplearen ikus-puntuan jarrita?

Nire ustez erdiko puntu bat bilatzea izango litzateke onena eta lehen azaldu dudan hipokresia horrekin bukatzea. Ezinezkoa iruditzen zait inondik ere kontrolatua ez dagoen publizitatea egotea, jendearen irudi eta imagina zaindu behar baita inolako irainik egin gabe. Hala ere, protekzionismo osoan murgiltzeak izugarrizko kaltea egingo lioke publizitateari. Besteak beste, sektore honek gauza deigarriak behar ditu ikusgarria izateko eta nire ustez, beti sentituko da baten bat irainduta. Hala ere, jendeak hori ere ulertu beharko luke eta kexuak ez lirateke gehiegikerietan sartu beharko. Gaur egun, niretzat inolako arrazoirik gabeko kexak jartzen dira eta ordainetan, kalte handiak sortzen dizkiote publizitate arlokoei. Gainera, protekzionismo osoan sartu behar bagina, lehen aipatu dudan arlo horietara ere zabaldu beharko litzateke hori: kirolak, telebista, kutura… bestela, ez baikoaz inora. Iritzi hau ez dut publizistaren ikuspuntutik ematen, hau izan aurretik izan bainaiz pertsona. Beraz, erdi-bideko irtenbide bat aurkitu beharko litzaioke arazo honi.

Orain ikusiko duzuen hau pepsik kaleratu zuen iragarkia da. Ikusgai izan genuen arren, segituan kendu beharra izan zuten salaketa bat jaso zutelako. Kasu honetan, konpetentziari zuzenean irain egiten ziola leporatu zioten, eta oso ona iruditzen zaida arren, ez zitzaien arrazoirik falta.

8.ARIKETA: Publizitate sexistari begira

Publizitate sexistak gaur egun duen lekuaz arituko gara gaurkoan. Horretarako, Emakundek duen “publizitate sexistaren behatokia”k, hauek neurtzeko argitaratu dituen pautetan oinarrituko gara:
Pautas para detectar el sexismo en la publicidad:
1- Anuncios que limitan los espacios y las expectativas de las mujeres.
2- Anuncios que muestran a las mujeres como seres subordinados de los hombres
3- Anuncios en los que las labores domésticas aparecen como exclusivas de las mujeres
4- Anuncios que parodian las labores que se realizan en el hogar
5- Anuncios en los que el cuerpo o una parte del cuerpo es comparado con el objeto que se promociona sin que guarden relación alguna
6- Anuncios en donde la opinión experta aparece exclusivamente en voces de hombres
7- Anuncios donde se sobrevalora la belleza de las mujeres sin justificación alguna
8- Anuncios en los que se utiliza el género masculino para referirse a ambos sexos excluyendo e invisibilizando a las mujeres: hombre, hijo, los, chicos, niño, unos…
Buenas prácticas
- Aquellas que tienen en cuenta la presencia de niñas y/o niños, mujeres y/o hombres en los mensajes escritos, en las imágenes y en las voces en off, ejerciendo indistintamente funciones en todos sus niveles y categorías, tanto en el ámbito privado como e el público
- Aquellos en las que se representa la diversidad y la pluralidad de las mujeres y, los hombres, en su aspecto físico como en sus funciones

Guztira, 15 iragarki aztertu ditugu klasean, honakoak dira:

1)GALLINA BLANCA
Bertan, emakumea zein gizonezkoa ageri dira sukaldean lanean. Hala ere, esan beharra dago emakumea dela zopa ona nola prestatu azaltzen duena. Gainontzean, nik uste dut neutroa dela, ez baitu alde batera zein bestera egiten.
2) LMN
Freskagarri honen iragarkian ezinezkoa da emakumerik agertzen ez dela aipatu gabe uztea. Bertako pertsona guztiak gizonezkoak dira, eta iragarkia kokatzen den hondartzan ezin dugu emakume bat bera ere ikusi. Beraz, ez du emakumearen irudia urratzen baina ez dakit omititzea ere gauza ona den. Hala ere, neutro bezala klasifikatuko nuke.
3) INTEL
Iragarki honek lan munduan emakume zein gizonezkoak erakusten dizkigu. Pertsonaiak mikroprozesadore baten bila dabiltza, gizon eta emakumeak; aurkitzen duena gizonezko bat da baina horrek garrantziarik ez duela uste dut. Beraz, uste dut praktika egokian sartu daitezkeela.
4) SIMYO
Hemen produktua saltzen digun showman bat azaltzen zaigu. Gizon zein emakumeak azaltzen diren arren, emakume estereotipatu batzuk agertzen direla nabarmena da, bi emakume azafata lanetan azaltzen baitira. Besterik gabe, esatea, iragarkiaren protagonistak gizonezkoak direla (over ahotsa eta showmana) eta emakumea azafata edo dantzari lanetan bakarrik azaltzen dela (gizonak ere dantzan agertzen diren arren). Horregatik, uste dut bigarren pauta urratzen duela eta baita zazpigarrena ere.
5) EUSKALTEL cineX
Txindurri batzuk protagonizatzen dutenez, esan daiteke ez duela genero bazterketaren zantzurik. Baina bada nire arreta piztu duen gauza bat: bikotea sexua praktikatzen ari diren bitartean, entzuten diren oihu bakarrak emakumearenak direla (emearenak). Hala ere, neutro bezala klasifikatuko nuke.
6) EUSKALTEL
Iragarki honek berez ez du inolako genero bazterketaren zantzurik ageri. Baina bertan agertzen diren pertsonaiak iragarki zaharretako pertsonaia-ikonoak izanda, garbi ikusi daiteke lehengo iragarkietako pertsonaiak gizonezkoak izaten zirela batez ere. Esaterako, Duracelleko untxia, Micolor-eko pailazoak, Don Limpio…
7) ORANGINA
Iragarki honek genero bazterketa bat erakusten du. Hau da, honek emakumeak beti elkar kritikatzen ari garela erakutsi nahi du. Hala nola, hiena bat erabiltzen du emakume-kritikalari horren papera betetzeko eta erori berri den emakume bati barre egiten dio inongo lotsarik gabe. Nik uste dut iragarki honek bai egiten diola kalte emakumearen irudiari eta topiko batek baliatzen da horretarako.
8) CAJA GRANADA
Erabat neutroa dela esango nuke, ez baita genero bateko zein besteko errepresentaziorik ageri. Zerbait esatekotan, over ahotsa gizonezkoarena dela esango genuke.
9) CHANEL
Marka honetan ohikoa den bezala, ametsetako emakume bat erakusten digu, zerutiar tankerakoa. Irudi hau transmititzea oso legezkoa iruditzen ez zaidan arren, diskriminazioa egiten duela esatea gehiegizkoa iruditzen zait. Beraz, neutroa dela esango dut.
10) BANCAJA
Hemen, gizonezkoaren irudia da estereotipatua agertzen dena (sendoa, basatia…) Gainera, fidagarritasuna ere gizon tankeran azaltzen digu. Hala ere, ezin dugu esan diskriminatzailea denik.
11) CANAL+
Egia esan, ez dakit honen inguruan nola mintzatu. Futbol partiduen inguruan ari da eta “ponte cómodo” esaldia erabiltzen du. Orduan, 8. Pautarekin lotu dezakegu, hau da genero maskulinoa erabiltzen duela bi sexuei zuzentzeko- Baina beste alde batetik begiratuta, esan behar da hizkuntzaren arazo bezala ikusi daitekeela. Azken finean, bi sexuetan idatzi ezkero, efektu publizitarioa galdu egingo litzateke eta bietara zabaltzeko gizonaren marka erabiltzera ohituta gaude. Nik, ez nuke aintzat hartuko, baina futbol partiduez ari delarik, gizonezkoei zuenean zuzenduriko iragarkia dela ere pentsa daiteke.
12) COCA-COLA
Nik ez dut uste genero indarkeriaren aztarnarik duenik. Egia da emakume baten ipurdiaren xehetasun plano bat agertu dela, baina beste ipurdi batzuekin batera azaldu da. Beraz, nire ustez, neutroa da gai honekiko.
13) TRINA
Guztiz neutroa dela esango nuke. Justu iragarki honetako hiru protagonistak gizonezkoak dira baina badira, kapaina honetan, paper hau emakumeek osatzen dutenak ere. Abestiak gizon ahotsa du ere.
14) ETB
Asko harritu nau hemen emakumeak garbitzaile edo zerbitzari lanak egiten soilik agertzen direla. Protagonista gizonezkoa da eta argi eta garbi ikusten da emakume batik xaboi eta beste garbikari batzuk erortzen zaizkiola eskuetatik. Honetaz gain, gizona zerbitzatzera doazten zerbitzariak ere emakumeak dira. Beraz, esan beharra dago iragarki honek lehenengo eta hirugarren pautak urratzen dituela.
15) PASCUAL
Esnea iragartzen duen iragarki honetan, soilik emakumea agertzen da erosketak egiten eta baita etxeko lanak egiten ere. Beraz, esan daiteke hirugarren pauta hori betetzen duela.

Orokorrean, esan beharra dago justu aztertu ditugun iragarki hauetan ez dagoela sexismoaren zantzu handirik. Hala ere, ezin da ezkutatu hau nabaria dela publizitate arloan. Gainera, over ahots guztiak (aztertu ditugun iragarkiena) gizonezkoenak direla aipatzeko modukoa irudtu zait, emakumeok fidagarritasunik ez bagenu bezala. Hala ere, batzuetan gehiegizkoa iruditzen zait publizitatean genero kontuez egiten diren akusazioak. Ondorengo kartel biak aldatu behar izan zituzten eta bata guztiz onartezina iruditzen zaidan arren (emakumea diskriminatzen baitu), Durangoko Azokako kartelari eginiko akusazioa guztiz soberan zegoela iruditu zitzaidan. Hemen ikusgai dituzue, zuek esan.

Topatu dudan beste iragarki honek ere zuzenean iraintzen ditu emakumeak, janari begetarianoa iragartzeko, inolako aitzakiarik gabe erabiltzen baititu emakuak objektu soil gisa. Niri beintzat lotsagarria iruditu zait iragarki hau. Esan beharrik ez dago zestsuratu egin zutela. Ea zer iruditzen zaizuen:

6. ARIKETA: Iragarkien elementuak

Klasean 10 spot aztertu ditugu, bakoitza elementu desberdinetan deskonposatu ostean. Argumentuen natura, umorearen erabilera, musika, ospetsuen erabilera, ahotsak… Bete duzun taulari begira, eta jakinda 10 spot ez dela lagin handia, iragarri daiteke joera nagusirik gaur egungo iragargintzan? Bat egiten al du joera horrek klasean azaldutakoarekin? Zerbaitek deitu du zure atentzioa?

 

Hauek dira aztertu ditugun 10 iragarkiak:

- Lay´s patata prijituen “La bolsa de la suerte”

- Honda auto markaren “Ecodesafío”

- Radical freskagarriaren “Massive Attac”

- Tesoro publikoren “letras del tesoro”

- Castilla eta Leoiko “estreno” iragarkia, Tierra de Sabor kanpainakoa

- Mercedes Benz auto markaren “Chocolate”

- Repsol-en kirol patrozinioaren “Gloria”

- Beate Uhse telebista katearen “Child lock”

- Ford auto markaren “Confesionario”

- Orange markaren “Una y no más”

 

Datu hauek iragartzen diren iragarki guztietara estrapolatuz gero, esan genezake %90a mixtoak direla, hau da, bakoitzak saldu nahi duenaz jendea konbentzitzeko emozioak pizteaz gain, arrazoi batzuk ere ematen direla. Hala ere, esan beharra dago beti gailentzen dela bietako bat eta gaur egun, arrazionala dela nagusi. Baina arrazoiak ere ez dira ugariak, esaterako, Ford-en iragarkia prezioan oinarritukoa da baina hori da ematen duen datu objetibo bakarra. Gainera, gutxik argitzen dute iragartzen duten produktuaren erabilera nolakoa izan behar den. Iragarki didaktikoak %20a osatzen dute eta gehienbat produktua berria denean erabiltzen da (kasu honetan, Hondak kotxe hibridoen funtzionamendua azaltzen digu labur-labur eta Castilla eta Leoiko iragarkiak bertaratzeko ditugun datuak helarazten dizkigu).

Musika erabiltzea ere tendentzia bat dela aipatu beharra daukat, %80ak erabili izan baitu. Hauetatik, %25ak abesti nagusi bat erabili du baina gainontzekoak, %75ak hain zuzen, hondo moduan besterik ez dute jartzen, iragarkiari erritmo bat ezarri nahian bezala. Nik uste dut iragarki batean musikak berebiziko garrantzia duela, askotan, hauek gogoratzeko giltza bilakatzen baitira. Nik  behintzat, lehenago gogoratzen ditut abestiak irudiak baino. Adibidez, “don limpio”k izen aldaketa burutu zuenean, uste dut inor ez zela indiferente gelditu eta nik oraindik oroitzen dut aldaketa horren berri emateko erabili zuten abesti nagusia; ez ordea spot-aren irudi konposaketa.

Azterketarekin jarraituz, estrapolazio honen arabera, spot-en %70ak ez du ospetsurik erabiltzen produktu zein zerbitzuak iragartzeko eta erabiltzen dituzten %30ak horietatik, %50a gizonezkoa eta kirolaria izaten dela, gainontzekoa aktoreek osatzen dutelarik. Hala ere, nik uste dut famatuen erabilera txikiagoa dela benetan guk laginean izan dugunarena baino. Gainera, emakumeak ere agertzen dira baina batez ere, ume edo emakumeei zuzenduriko produktuetan.

Over ahotsa izan da gehien harritu nauena, erabiltzen duten iragarkiak %70a osatzeaz gain, hauen %100 gizonezkoen ahotsa erabili izanagatik hain zuzen. Oso arraroa da emakume ahots bat entzutea honelako kasuetan eta gainera, erabiltzen diren ahotsak ahots goxo eta grabeak izaten dira, fidagarriagoak egiten baitzaizkigu antza denez.

Bukatzeko esan beharra daukat ez nagoela ados azterketa honen azken puntuarekin. Bertan, umorea erabiltzen duten iragarkiak %30a soilik dela adierazten digu. Nire ustez, kopuru hau handiagoa dela iruditzen zait, gainera, handitzen doan tendentzia dela esango nuke. Beste gauza bat da guri grazia egiten digun ala ez baina beraien intentzioa handitzen doala iruditzen zait. Gainera, uste dut hau oso modu ona dela zure produktuarekiko afinitatea igotzeko modurik onena. Azken finean, barrea eragiten digun produktu batekiko begirune bat sortzen zaigu. Honek ez du esan nahi zuzenean jarrera aldatuko duzunik, baina seguraski horrelako produktu bat behar izan ezkero, lehenengo bururatuko zaizuna atseginez hartu duzun hori izango dela.

 

Azken aldian Mixta edari markak iragarki oso originalak burutzen dituela iruditzen zait. Gainera, umorea oso present izaten du eta horrek nigan produktuarekiko jarrera positiboa izatea lortu du. Ez dakit kontsumitzaile bilakatuko naizen baina probatzeko gogoa behintzat piztu dit. Hemen bi iragarki:

object

POST-TEST-a: San Miguel 0.0

Produktua: San Miguel 0.0
Kanpainaren izena: "inventos"
Slogan-a: Todos unidos por una conducción responsable

INKESTA
- Izena:
- Sexua:
-Adina:

1- Kotxeko karnetik ba al duzu?
2- Garagardoa edaten duzu?
3- Telebistan ikusi al duzu alkoholik gabeko garagardoa iragartzen duen iragarkirik? (Ezezko kasuan 5. galderara joan)
4- Ze markak iragartzen zuen? (7. galderara salto egin)
5- Oroitzen duzu alkoholik gabeko garagardo markaa bat airbag, ADSL eta segurtasun uhala bezalako asmakizunekin parekatzen duen iragarkirik? (Ezezkoan, inkesta bukatutzat emango da)
6- Ze markak iragartzen zuen?
7- Zein zen iragarkiak zabaldu nahi zuen mezua?
8- Zein da bere slogan-a?
9- Gogoratzen al duzu iragarkiko musika? Nolakoa zen?
10- Musika ondo egokitzen zaio iragarkiari?
11- Ze sexutakoa da off-ean hitz egiten duen ahotsa?
12- Zer iruditzen zaizu iragartzen ari diren produktua gida segurtasunerako balio duten beste asmakizun batzuekin alderatzea?
13- Mezua ondo helarazten dela deritzozu?
14- Zuk ulertu duzu?
15- Iragarkiko beste xehetasun adierazgarriren bat aipa dezakezu? Zein?
16- Honako adierazpen hauek baloratu itzazu 1etik 5era.
(1= guztiz desados ; 5= guztiz ados)
* Originala da: 1 2 3 4 5
* Deigarria da: 1 2 3 4 5
* Gustoko dut: 1 2 3 4 5
* Segurtasuna helarazten du: 1 2 3 4 5
* Ondo egina dago: 1 2 3 4 5
* Erraza da markarekin lotzea: 1 2 3 4 5
17- Marka honekiko zure atxikimendua handitu du?
18- Konfidantzazko edaria iruditzen zaizu?
19- Gidatu aurreko poteo/ bazkari/ afarietan edango duzu?

5. ARIKETA: POST-TESTa

Publizitatearen eragikortasuna neurtzeko hainbat modu daudela esan dugu orain arte: hala nola, salmentetan oinarritutakoa dugu, honek azken efektuak neurtzen dituelarik. Hala ere, badaude tarteko efektuak neurtzen dituen metodorik ere; pre-test eta post-testa hain zuzen.

Desberdintasuna argiagoa izan dadin, post-test bat egingo dugu. Horretarako, San Miguele- bere alkoholik gabeko garagardoa iragarriz kaleratu berri duen “inventos” izeneko kanpaina izango dugu aztergai. Hona hemen kanpainaren nondik-norako batzuk:

Agencia: Tapsa

Anunciante: Grupo Mahou-San Miguel

Producto: Campaña por una conducción segura

Marca: San Miguel 0.0

Sector: Bebidas

Contacto del cliente: Javier Herrero, Javier Portillo y Sonia Parera

Ejecutiva de cuentas: Diana Echegoyen

Director de planificación estratégica: Gem Romero

Planner: Paola Olmos

Director general creativo: Julián Zuazo

Director creativo ejecutivo: Manuel Cavanilles

Redactor: Sergio Sánchez Caballero

Director de arte: Álvaro Rodríguez Terán

Director de producción audiovisual: Jesús Becedas

Producer: Santiago Romero

Agencia de medios: MPG

Productora: Tesauro

Realizador: Daniel Azancot

Producer: Raquel Pérez Tato

Estudio de sonido: Playrec

Música: Oeo Música

Post producción: Telson

Pieza: Spot TV 20”

Título: 'Inventos'

Spot honetan, berari egozten dio alkoholik gabeko garagardoa asmatzearen meritua eta era berean, bide segurtasunean laguntzen duela iradokitzen du. Hala nola, iragartzen duena segurtasun uhalaren eta ADSL-aren asmakuntzarekin parekatzen baititu.

Behin kanpaina aukeratuta dugula, kanpaina honen targeta zein den erabakitzea komeni da. Nik uste dut, bide segurtasunarekin lotu duten momentutik, gazteei zuzenduriko iragarki bat dela, nahiz eta honen targeta 40 urte dutenetarantz mugi daitekeen. Azken finean, gazteak dira edari hau gehien edaten dutenak, eta baita parranda gehien botatzen dituztenak ere. Edan ostean, kotxea hartzeko ohitura handia dago bietan, baina 40 urtetik gorakoen bazkarietan oso arraroa izaten da baten batek garagardoa edatea, normalean, ardoa edaten baitute. Beraz, kanpaina hau gidatzeko karneta duten gazteei zuzendurik dagoela esatera ausartuko nintzateke. Nolabait zehaztearren, 18 urtetik hasita (gidatzeko baimena ateratzeko gutxiengo adina) 40 urte bitarteko gidari guztiak.

Gauzak horrela, kanpaina honek hartzailearengan izango duen eragina neurtzea dugu helburu, tarteko efektuak hain zuzen. Besteak beste, kanpaina oroitzen duten jakin nahi dugu, ondoren, ea markarekin lotzeko gai diren eta azkenik, beraiek iragarkiari buruz duen iritzia jakin nahi dugu. Era berean, oso garrantzitsua da spotak igorri nahi zuen mezua ulertu den ala ez jakitea, eta ea berak konpartitzen duen.

Hau guztia burutzeko, metodologia bat burutu beharko dugu. Honen formulazioa aste santuan burutuko dugu eta azkenean, ondorioak ateratzea besterik ez zaigu faltako.